ललितपुरको जावलाखेलमा अवस्थित डी.ए.भी. कलेज (प्लस टु) ले उपत्यकाव्यापी पाँचौँ फुटसल प्रतियोगिता हुने भएको छ।
खेलकुदका माध्यमबाट विद्यार्थीहरूमा अनुशासन मित्रता तथा सहअस्तित्वको भावना अभिवृद्धि गर्ने उद्देश्यले माघ १३ गते देखि संचालन हुने कलेजका प्रिन्सिपल सुमन बस्नेतले बताए ।
उनका अनुसार आफ्नै फुटसल मैदानमा सञ्चालन हुने उक्त प्रतियोगिता देशकै सर्वाधिक धनराशिको प्रतियोगितामा रहेको जसमा विजेता हुने टिमलाई रु. ३ लाख नगद, ट्रफी तथा मेडल प्रमाणपत्र र उपविजेता टिमलाई रु. २ लाख नगद, ट्रफी र मेडल प्रमाणपत्र प्रदान गरिने बस्नेतले बताए ।
बस्नेतका अनुसार सर्वाधिक गोलकर्ता, उत्कृष्ट गोलरक्षक तथा उत्कृष्ट खेलाडीलाई जनही रु. १५ हजार प्रदान गरिने समेत जानकारी दिए।
उक्त प्रतियोगिता ऐतिहासिक रूपमा सञ्चालन गरिने र प्रतियोगितामा सुरुमा दर्ता हुने उपत्यकाका +2 बाट ३२ वटा टिमलाई मात्र सहभागी गराइने बस्नेतले बताए ।
