बराहक्षेत्र नगरपालिका वडा नम्बर ३ को कार्यालयले प्रथम बराहक्षेत्र मेयर लिग” विजेता आफ्ना खेलाडीहरुलाई एक कार्यक्रमको आयोजना गरि सम्मान पत्र र नगदसहित सम्मान गरेको छ ।
बराहक्षेत्र नगर खेलकुद विकास समितिले गत २७ फागुनदेखि १४ चैतसम्म वडास्तरीय प्रथम बराहक्षेत्र मेयर लिग कप फुटबल प्रतियोगिता सञ्चालन गरेको थियो। जसमा बराहक्षेत्रमा भएको ११ वडा सहभागी भएका थिए जसमा वडा नम्बर ३ को टिमले सहभागिता जनाई उत्कृष्ट खेल प्रदर्शन गर्दै प्रथम स्थानमा पुर्याउन सफल भएको थियो ।
उक्त टिमले खेलकुदको माध्यमबाट वडाको प्रतिष्ठान उच्च बनाएको भनी प्रशिक्षक, टिम म्यानेजर, खेलाडीहरूलाई उच्च मूल्यांकन गर्दै ३ नम्बर वडा कार्यालयले आफ्नोतर्फबाट उत्तरोत्तर प्रगतिको कामनासहित सम्मान पत्र र नगदसहित सम्मान गरेको छ।
सम्मानित हुनेमा प्रशिक्षक , म्यानेजर र २२ खेलाडीहरूलाई नगदसहित सम्मान पत्र सम्मान गरिएको वडा अध्यक्ष राजदिप लामाले बताए ।
