- देखिएको तस्बिर ग्रामीण पत्रकार समुहको हो।
ग्रामिण पत्रकार समूह वराहक्षेत्रसंग मैत्रीपूर्ण फुटबल खेल खेल्दै चक्रघट्टि जेसिसले आफ्नो सप्ताह व्यापि कार्यक्रम सम्पन्न गरेको छ ।
नियमित बार्षिक कार्यक्रम अन्तर्गत शुक्रवार पत्रकार समुहसंग मैत्रीपूर्ण फुटबल खेलेको थियो । वराहक्षेत्र-७ सोमवारे स्थित बसन्तऋतृको खेलमैदानमा भएको खेलमा पत्रकार समुहमाथि ३ का बिरुद्ध ५ गोल अन्तरले जेसिज बिजयी भएको कार्यक्रम संयोजक लोमश दाहालले बताए ।
पत्रकार र जेसिज बिचको सम्बन्धलाई थप प्रगाट बनाउने उदेश्य राखेर मैत्रीपूर्ण फुटबल खेल सप्ताह कार्यक्रममा समावेश गरेको चक्रघट्टि जेसिजका अध्यक्ष तिर्थराज भट्टराईले बताए ।
यश अगाडि सप्ताह कार्यक्रम अन्तर्गत चक्रघट्टिमा रहेको सप्तकोसी बहुमुखी क्याम्पसको नवनिर्मित भवनमा वृक्षारोपण, महिला हरुलाइ माइन्युट लेखन तालिम, साइबर अपराध तथा यौन र घरेलु हिंसा बिरुद्ध सचेतना , प्रकरण गोष्ठी र अन्तर माध्यमिक बिद्यालय स्तरिय लोक नृत्य प्रतियोगिता सम्पन्न गरेको थियो ।
