कोसी अस्पताल विराटनगर परिसरबाट चोरिएको मोटरसाइकलसहित प्रहरीले एक जनालाई पक्राउ गरेको छ ।
मङ्सिर २६ गते दिउँसो अस्पताल परिसरमा पार्किङ गरी राखेको को २५ प ५०२४ नम्बरको बुलेट मोटरसाइकल चोरी भएको थियो ।
अस्पतालबाट चोरिएको मोटरसाइकल भारतको जोगवनीतर्फ लाँदै गरेको अवस्थामा अस्थायी प्रहरी चौकी मटेरूवाबाट गएको प्रहरी टोलीले मोटसाइकलसहित सुनसरी रामधुनी नगरपालिका वडा–३ घर भई विराटनगर महानगरपालिका–११ जनपथमा बस्ने २८ वर्षीय उमेश दाहाललाई पक्राउ गरेको हो ।
प्रकाउ परेका दाहाल विरुद्ध थप अनुसन्धान भइरहेको प्रहरीले जनाएको छ ।
