सुनसरीको बराहक्षेत्र नगरपालिका वडा नम्बर ५ कालाबन्जारमा रहेको नेपाल रेडक्रस सोसाइटी भरौल उपशाखाको सभापतिमा उत्तम चन्द्र शाह सर्वसम्मत चयन भएका छन ।
शाह भरौल उपशाखामा स्थापन कालदेखि सदस्य हुदै सह सचीव , उप सभापति र २०७० साल देखि अहिलेसम्म सभापति को तेस्रो कार्यकालको लागि पुर्ण चयन भएका हुन।
सचिव पदबाहेक अन्य पदमा सर्वसहमत चयन भएका हुन। सचिव पदकालागि भने अमित गौतम र पहलमान बस्नेतको उम्मेदवारी रहेका थिए ।
सचीव पदको निर्वाचन सोमबार सम्पन्न भएको छ। मत परिमाणको अनुसार भरौल उपशाखामा हालसम्म ५९४ सदस्य रहे पनि ४६८ जनाले मतदान गरेका थिए।
जसमध्ये अमित गौतमले ६१ मत बढी प्राप्त गरि विजय बने ।उनले २५६ र पहलमान बस्नेतले १९५ मत प्राप्त गरेका थिए भने १७ मत बदर रहेको निर्वाचन समितिका अधिकृत किरण कुमार कार्कीले जानकारी दिए।
उप सभापतिमा नर्मदा पौडेल,कोषाध्यक्षमा धनराज राउत, उपसचिवमा भिखन चौधरी,उपकोषाध्यमा कल्याण विष्ट, सदस्यमा अच्युत भट्टराई,जानुका कटुवाल,जित बहादुर कार्की,राजु अधिकारी,लक्ष्मण खड्का सर्वसहमतले चयन भएका हुन उक्त कार्यसमितिको कार्य अबधि भने २ बर्षको लागि हुनेछ।
