सुनसरीको वराहक्षेत्रमा रहेको लायन्स क्लव अफ वराहक्षेत्र कालाबन्जरले बराहक्षेत्र ३ मा रहेको जलपा बिधालयका विद्यार्थीहरुलाई न्यानो कपडा वितरण गरेको छ ।
डिस्ट्रिक गोभर्नर धिरज गुरुङको प्रमुख आतिथ्यमा वराहक्षेत्र ३ बिचपानीमा रहेको जल्पादेवी आधारभूत विद्यालयमा अध्ययनरत बालबालिकाहरुलाई जाडोबाट बच्न न्यानो कपडा वितरण गरिएको लायन्स क्लव अफ वराहक्षेत्रका अध्यक्ष सुनिल कुमार शाहले बताए।
लायन्स क्लव अफ वराहक्षेत्र कालाबन्जरका पदाधिकारीहरुको समूहले विद्यालयमै प्रत्यक्ष उपस्थित भई बालबिकास र कक्षा १ मा अध्यनरत ५८ जना विद्यार्थीहरुलाइ न्यानो कपडा वितरण गरेको लायन्सका सदस्य राजन कार्कीले बताए ।
प्रधानाध्यापक अनुस बनले भने यस बिधालय लाई छनोट गरे लायन्स क्लब अफ कालाबन्जार द्वारा न्यानो कपडा वितरण गरेको स्कुल परिवर हर्षित हुँदै लायन्स लाई धन्यवाद व्यक्त गरेकी थिन।
