बराहक्षेत्र नगरपालिका वडा नम्बर २ पुनर्वास बस्ने ३५ बर्षका उज्ज्वल लुइँटेलको रुखबाट घाँस काट्ने क्रममा खसेर मृत्यु भएको छ।
आज २६ गते अन्दाजी दिउँसोको१ बजेको समयमा बाख्रा लाई घाँस काट्न आदर्श सामुदायिक वन क्षेत्रमा लुइटेल घाँस काट्न गएका थिए ।
लुइँटेल भोर्लाको रुखमा चडेर घाँस काट्दै गर्दा अचानक सोहि रुखबाट खसेर मृत्यु भएको बाख्रा चराउन गएका मानिस हरुले देखेका थिए ।
रुख मुनी मृत अवस्थामा बाख्रा चराउनेहरु देखि पछि गाउमा खबर गरि हल्ला भएपछि मृतकको आफन्तहरुले थाहा पाएर घटनास्थलमा आएका थिए ।
मृतकको शव जाँच मुचुल्का गरी पोस्टमार्टमको लागी बि.पि.कोईराला स्वास्थ्य बिज्ञान प्रतिष्ठान धरान सुनसरीमा पठाईएको ई.प्र.का. महेन्द्रनगरबाट प्रहरी निरीक्षक पाण्डव कुमार राजबंशी बताए ।
घटनास्थलमा ईलाका प्रहरी कार्यालय चतराबाट र ई.प्र.का. महेन्द्रनगरबाट प्रहरी निरीक्षक पाण्डव कुमार राजबंशी सहितको टोली खटीएको थियो । भने उक्त मृतक शव , घटनास्थल मृतकको घरबाट अन्दाजी ३ कि.मि. पुर्व उत्तर पर्ने प्रहरी जानकारी दिएको छ।
