उदयपुरको उदयपुरगढी गाउँपालिका–५ मा मंगलबार(आज) बिहान गुडिरहेको बसबाट खस्दा एक यात्रुको मृत्यु भएको छ।
वर्रेबाट गाईघाटतर्फ आउँदै गरेको ना.३.ख.७९४४ नम्बरको बसबाट अकास्मात झर्दा भोगटेनीका ५० वर्षीय कृष्ण राईको मृत्यु भएको हो।
जिल्ला प्रहरी कार्यालयका अनुसार स्थानीय चौकमा गाडी रोक्नेक्रममा अकस्मात बसबाट झर्दा पछाडिको टायरले किचेर राईको मृत्यु भएको हो।
घटनालगत्तै प्रहरी चौकी उदयपुरगढीबाट खटिएको प्रहरीको टोलीले चालक र बसलाई नियन्त्रणमा लिएको बताइएको छ ।घटनाको थप अनुसन्धान सुरु गरिएको प्रहरीले जनाएको छ ।
