सुनसरीको इटहरीमा बसले ट्रिपरलाई ठक्कर दिदाँ दुर्घटना भएको छ ।
इटहरी स्थित पश्चिम टेम्पो स्टेन्ड नजिकै शुक्रबार दिउसोको समयमा कालाबन्जारबाट इटहरी आउदै गरेको बसले सोहि दिसा तर्फ जाँदै गरेको ट्रिपरलाई ठक्कर दिएको हो । को १ ख १८३० नम्बरको सुपर आयुसा डिलक्स बसले बा १ ग २७२४ नं को ट्रिपरलाई ठक्कर दिदाँ बसको अगाडिको भागमा क्षती पुगेको छ ।
२ जना स्टाफ र यात्रुहरु उक्त बसमा रहेको र कुनै मानबिय क्षती नभएको प्रतक्षदर्शी गोपाल श्रेष्ठले बताए । उनले भने ,अगाडिको ट्रिफरले ब्रेक लगाएपछि तिब्र गतिमा रहेको बस सिधै गएर ट्रिपरमा ठोक्कियो ।
१ नम्बर प्रदेश ट्रफिक प्रहरी कार्यालय इटहरीका प्रवक्ता प्रहरी नायब उपरीक्षक (डीएसपी)सुमन तिम्सिनाका अनुसार उक्त दुर्घटना भएको केहि समय सडकमा एकातर्फी जाम भएको र ट्राफिक प्रहरीको साहयतामा दुर्घटना ग्रस्त बस र ट्रिपरलाई सडकबाट हटाइएको हो ।
तिम्सिनाका अनुसार दुवै सवारी साधन प्रहरीको नियन्त्रणमा रहेको र दुर्घटनाको कारणबारे थप अनुसन्धान भइरहेको छ ।
