सुनसरीको इटहरीमा ट्रकको ठक्करबाट एक बृद्धाको मृत्यु भएको छ ।
इलाका प्रहरी कार्यलय इटहरीका डिएसपि खगेन्द्र बहादुर खड्काको अनुसार इटहरी ४ कि देबि माया खड्काको ट्रकको ठक्करबाट मृत्यु भएको हो ।
शुक्रबार बिहान पौने ११ बजे इटहरी ४ स्थित हलगडा चोक नजिक कोशी राजमार्गमा प्रदेश १–०१०० ख नम्बरको इटहरी बाट धरान तर्फ जादै गरेको मालबाहक ट्रकले ठक्कर दिएको थियो । कुखुराका चल्ला र चारो बेकेर घर तर्फ आइरहेका बेला ट्रकले ठक्कर दिएलगतै धरान स्थीत घोपा पुर्याएकोमा चिकित्सकले महिलालाई मृत घोषण गरेका छन् ।
ठक्कर दिने ट्रक र ट्रक चालक तेह्रथुम जिल्ला बस्ने पेम्बा शेर्पा प्रहरीको नियन्त्रणमा रहेको डिएसपि खड्काले बताए ।
ट्रकको ठक्करबाट महिलको मृत्यु भएपछि मृतकको आफन्त तथा स्थानियहरुले सडकमा टायर बालेर बिरोध प्रदर्शन गरेका थिए । सडक नै अवरोध गरेर प्रदर्शन गर्नाले केहिबेर सडक नै अस्त ब्यस्त बनेको थियो ।
