वराहक्षेत्र नगरपालिकाको आयोजनामा दोस्रो संस्करणको वडा स्तरीय वराहक्षेत्र मेयर लिग कप रनिङ शिल्ड फुटबल २०८० प्रतियोगिता सुरु भएको छ ।
वराहक्षेत्र नगरपालिकाले गत बर्षबाट लिग फर्म्याटमा सुरु भएको प्रतियोगिताको उद्घाटन खेलमा वडा नं. ७ बिजयी भएको छ । वडा नं ८ लाई शुन्यका बिरुद्ब दुई गोलले पराजित गर्दे वडा नं ७ ले प्रतियोगितामा ३ अङ्क जोडन सफल भएको छ ।
पहिलो हापको खेलमा वडा नं ७ का रितेश माझी पहिलो गोल गर्दै खेललाई अग्रता दिलाएका थिए भने वडा नम्बर ८ खेलाडीले ७ नम्बर खेलाडीलाई डेरिया भित्र फल गरेपछि सिधै ७ नम्बर वडाले टाइब्रेकर पाएका थिए । टाइब्रेकरको राम्रो अवसरलाई ७ नम्बर वडाका रितेश माझीले गोल गर्दै पहिलो हाप सम्म २-० रहेको थियो । निकै रोमाञ्चक रहेको खेलमा
दोस्रो हाप पछि वडा नम्बर ८ ले गोल फर्काउन नसक्दा खेल हार खेप्नुपरेको थियोे ।
यता खेलमा २ गोल गरेका वडा नं ७ का रितेश माझी म्यान अफ द म्याच घोषित भए । उनले नगद २ हजार १ सय सहित ट्रफी प्राप्त गरेका थिए ।
प्रतियोगिता अन्तर्गत बुधबार देखि दिनमा २ वटा खेल हुनेछ जसमा दिउँसोको१:३० बजेदेखि पहिलो खेल वडा नं ३ र वडा नं ६ तथा दोस्रो खेल वडा नं १ र वडा नं २ का बिच हुनेछ ।
नगर खेलकुद विकास समितिको आयोजनामा वराहक्षेत्र नगरपालिका वडा नं.७ देबिघाट स्थिति वसन्त ऋतु माध्यमिक विद्यालयको खेलमैदानमा सुरु प्रतियोगिताको उद्घाटन नगर प्रमुख रमेश कार्कीले गरेका थिए ।
नगर खेलकुद विकास समितिका संयोजक कपिल आचार्यको सभाध्यक्षतामा आयोजना भएको उद्घाटन सत्रमा नगर प्रमुख कार्कीले खेलाडी प्रोत्साहन र नयाँ खेलाडी उत्पादनकालागी प्रतियोगिता आयोजना गरिएको बताए ।
उद्घाटन कार्यक्रममा नगर उप-प्रमुख नन्दकुमारी सुनुवार , प्रमुख प्रशासकीय अधिकृत देवेन्द्र मल्ल , वडाध्यक्षहरु , सुरक्षा निकायका प्रमुख , राजनैतिक दलका प्रतिनिधिहरु, कार्यपालिका सदस्यहरु , बडा सदस्यहरुको उपस्तिथि रहेको थियो ।
खेलकुद हाम्रो सान खेलाडी उत्पादन गर्ने हाम्रो अभियान भन्ने नारा दिएको प्रतियोगिता फाल्गुन ४ गतेसम्म सञ्चालन हुनेछ ।
भने वराहक्षेत्र मेयर लिग फुटबल प्रतियोगिताको विजेताले नगद २ लाख१ हजार उपविजेताले १ लाख १ हजार तेस्रो हुने टिमले ५१ हजार र चौथो हुने टिमले २५ हजार प्राप्त गर्ने नगर खेलकुद विकास समितिले जानकारी दिएको छ ।
