बराहक्षेत्र नगरपालिका वडा नम्बर ३ बाङ्गेमा रहेको नहरमा नुहाउने क्रममा १ जना बेपत्ता भएका छन भने ३ जना घाइतेको उदार भएको छ।
आज ऋषि पञ्चमी, सप्तऋषिको पूजा गरी नुहाउने क्रममा करिब ९ बजेको समय बराहक्षेत्र नगरपालिका वडा नम्बर ३ बस्ने खोरिया बस्ने एकै घर परिवारका सदस्य डुबेको र उसलाई बचाउने क्रममा ४ जनानै डुबेका थिए ।
नहरमा डुबेको देखेर स्थानीय एक युवकले ३ जनालाई उदार गरे पनि बर्स १६ कि सलिका खड्का लाई नहरले बगाएर बेपत्ता भएको प्रहरीले जनाएको छ।
उदार गरेका घाइतेहरुलाई २ जनालाई नगर अस्पतालमा उपचार गर्न लगिएको छ भने एक जना लाई भने धरान बिपि अस्पताल लगिएको नडाहा प्रहरी कार्यालयका प्रमुख हरि दाहालले बताए ।
