सुनसरीको कोशी गाउँपालिका-४ स्थित भित्रि सडक खण्डमा ट्रयाक्टरको ठक्करबाट १ जनाको मृत्यु भएको छ भने १ घाईते भएका छन ।
आज दिउँसो पौने ४ बजे को.२ त २१५८ नम्वरको ट्रयाक्टरले बिपरित दिशाबाट आउदै गरेको को.२८ प ९३९९ नम्वरको मोटरसाईकललाई ठक्कर दिँदा मोटरसाईकलमा सवार रहेकि देवानगंज गाउँपालिका-४ कि ५५ बर्षीया जयमुन खातुनको घटनास्थलमै मृत्यु भएको प्रहरीले जनाएको छ।
भने मोटरसाईकल चालक मृतककै छोरा २५ बर्षीय जुमरात मिया घाईते भएको हो।
उनको जिल्ला अस्पताल ईनरुवामा उपचार भईरहेको छ भने ठक्कर दिने सवारी साधन र चालक ४६ बर्षीय शुभका मोचीलाई जिल्ला प्रहरी कार्यालय सुनसरीले नियन्त्रणमा लिई थप अनुसन्धान गरिरहेको छ ।
