सुनसरीको बराहक्षेत्र नगरपालिकावडा नम्बर ६ सिसौली घाट स्थितबाट प्रहरीले अवैध लागुऔषध गाँजा बरामद गरेको छ ।
आज आइतबार बिहान ३ बजे बिशेष सुचनाको आधारमा इलाका प्रहरी कार्यालय महेन्द्रनगरबाट खटिएको प्रहरी निरीक्षक र सशस्त्र प्रहरी बेश क्यामप चतरा बाट स. प्र. नि. समेतको संयुक्त टोलीले सप्तकोशी नदीको दुईवटा भङ्गालो बिच टापुमा लुकाई छिपाई राखेको अवस्थामा १२२ किलो (५ बोरा) अवैध लागुऔषध गाँजा फेला पारेको इलाका प्रहरी कार्यालय महेन्द्रनगरका प्रमुख टीका कार्कीले बताए ।
उक्त फेला परेको गाँजालाई इलाका प्रहरी कार्यालय महेन्द्रनगरमा ल्याई राखिएको छ भने लागु-औषध गाँजा लिई आउने मानिसहरु दोस्रो भङगालोबाट डुङ्गामा चढी कोशी पारी डुङ्गाबाट भागी फरार भएका थिए ।
उनीहरुको खोजतलास तथा अन्य अनुसन्धान भईरहेको उक्त कार्यालयले जनाएको छ ।
