संगम बिष्ट /वराहक्षेत्र नगरपालिकामा रहेको चक्रघट्टि जेसीजले बुधबार रक्तदान कार्यक्रम आयोजना गरेको छ ।
चक्रघट्टि जेसीजको १०औं स्थापना दिवशसको अवशरमा रक्तदान कार्यक्रम आयोजना गरिएको अध्यक्ष दिवस बिष्टले बताए ।
चक्रघट्टि स्थित नेपाल रेडक्रस सोसाइटी महेन्द्रनगर उप-शाखासंगको सहकार्यमा आयोजना भएको रक्तदान कार्यक्रमबाट ५३ पिन्ट रगत संकलन भएको कार्यक्रम संयोजक चक्रघट्टि जेसीजका कार्यकारिणी उपध्यक्ष तेजबहादुर पुरीले बताए ।
संस्थाको स्थापना दिवशलाई मानव सेवासंग जोड्ने उदेश्यले रक्तदान कार्यक्रम आयोजना गरिएको महासचिव सुरेन्द्र श्रेष्ठले बताए ।
यस अगाडि चक्रघट्टि जेसीसले सास्कृतिक , साङ्गेतिक , खेलकुद , वृक्षारोपण , शैक्षिक , परोपकारी , क्षमता बिकास लगाएको कार्यक्रम गरि सकेको छ ।
सन् २०१३ मा इनरुबा जेसीजको भातृ शाखाको रुपमा चक्रघट्टि जेसीज स्थापना भएको थियो। निश्चल बस्नेत संस्थापक अध्यक्ष रहेको चक्रघट्टि जेसीजको क्रमश रमेश कार्की ,दिनेश पोखरेल , कमलनाथ दाहाल , देवकुमार चौधरी , मञ्जु आचार्य , संन्तोष चौलागाई र तिर्थराज भट्टराईले नेतृत्व गरिसकेका छन् ।
