वराहक्षेत्र नगरपालिका वडा नं १ स्थित वाघ खोलाले अटो (टेम्पो) बगाउदा एक जनाको मृत्यु भएको छ ।
अटोमा सवार बराहक्षेत्र – १ चतरा बस्ने कल्पन राईको छोरी वर्ष १७ कि स्टिफिना राई खोलामा मृत अवस्थामा फेला परेकी छिन् ।
इलाका प्रहरी कार्यलय महेन्द्रनगरका अनुसार आइतवार राति करिब ७ बजेर ४५ मिनेटको समयमा धरान-चतरा भित्री सडक खण्ड अनर्तगत चतराबाट धरान तर्फ जाँदै गरेको को २ ह ८९८५ नम्वरको अटो बाघ खोलाले बगाएको थियो । अटोमा चालक सहित ३ जना जवार रहेका थिए ।
अटो बगेको स्थान देखि करिव ६ सय मिटर तल फेला परेकोमा थियो । अटो टेम्पोमा सवार रसुवा जिल्ला गोसाइकुण्ड गाउपालिका -६ धुन्चे बस्ने वर्ष १८ कि आनिया तामाङको वाँया खुट्टामा चोट लागि घाइते भई स्थानिय चतरा अस्पतालमा उपचार भइरहेको छ । अटो चालक धरान १७ बस्ने वर्ष २२ को राजु राई सकुशल रहेका छन् ।
मृत्यक राईको लासलाई पोष्टपाटमको लागि बिपि कोइराला स्वास्थ्य बिज्ञान प्रतिष्ठान लगिएको इलाका प्रहरी कार्यलय महेन्द्रनगरले जनाएको छ । बाघ खोला तर्ने क्रममा अटो र अटोमा सवारलाई खोलाले बगाई बेपत्ता भएको भनि राति करिव ८ बजे ईलाका प्रहरी कार्यलय चतरामा खबर प्राप्त हुन साथ तत्काल ईप्रका चतराबाट प्रहरी नायव निरिक्षकको कमाण्डमा ५ जनाको टोली र सशस्त्र वेश क्याम्प चतराबाट सप्रसनीको कमाण्डमा ६ जनाको टोली खटि खोजि कार्य भएको थियो ।
पुन: ईलाका प्रहरी कार्यलय महेन्द्रनगरबाट प्रहरी निरिक्षकको कमाण्डमा ७ जनाको थप टोली खटि खोज र उद्घार गरेको थियो ।तस्बिर फाइल
