वराहक्षेत्र नगरपालिका वडा नं १ खारखोलाका नेपाली कांग्रेस प्रदेश पार्षद युबा नेता सन्तोष श्रेष्ठले वृक्षारोपण गरेर आफ्नो जन्म दिन मनाएका छन् ।
साउन २९ गते आफ्नो ३४ औं जन्मदिनको अवसरमा वराहक्षेत्र १ खारखोला (झण्डा चोक ) स्थित सडक किनारमा शिरिष प्रजातिको बिरुवा रोपेर जन्मदिन मनाएका हुन् ।
धरान , इटहरीबाट चतरा प्रवेश गर्नेद्बारको रुपमा रहेको खारखोलालाई सुन्दर बनाउने उदेश्य राखेर वृक्षारोपण गरिएको संन्तोष श्रेष्ठले बताए ।
जन्मदिनमा हुने खर्चलाई सामाजिक कार्यमा लगाएको श्रेष्ठले बताए । झण्डा चौकलाई सुन्दर बनाउने उदेश्य राखेर ४२ वटा बिरुद्ध रोपिएको थियो । बिरुबालाई सुरक्षित गर्न ट्रि गाड समेत लगाईएको छ ।
श्रेष्ठले बिगतका जन्म दिनको अवशरमा साधुहरुलाई भोजन गराउने , चोकमा सुृरक्षित यात्राकालागि बाटोमा , सिसि क्यामरा लगाएर जडान गरेका थिए । जन्म दिनको अवशरमा उदाहरणीय कार्य गर्दै आएका श्रेष्ठ वराहक्षेत्र फुलबल क्लवका सचिव , खारखोला युवा क्लवका अध्यक्ष तथा
वराहक्षेत्र नगर खेलकुद बिकाश समितिका सदस्य समेत हुन् ।
