सुनसरीको बराहक्षेत्र नगरपालिका–६ बाट लागूऔषध गाँजा र साइकलसहित २ जनालाई प्रहरीले पक्राउ गरेको छ ।
पक्राउ पर्नेहरुमा बराहक्षेत्र–३ का २८ वर्षीय नगेन राई र चौदण्डीगढी नगरपालिका–१ का ३२ वर्षीय नवहाङ किराती राई रहेका छन् ।
इलाका प्रहरी कार्यालय महेन्द्रनगरबाट खटिएको क्यु आरटी टोलीले मंगलबार राति चेकजाँचको क्रममा निजहरुबाट ६ केजी लागूऔषध गाँजा र दुईवटा साइकलसहित नियन्त्रणमा लिएको इलाका प्रहरी कार्यालय महेन्द्रनगरले जनाएको छ । घटनाको विषयमा थप अनुसन्धान समेत भइरहेको प्रहरीले जनाएको छ ।
