इटहरी उ.म.न.पा.वडा नं.१ हलगढा स्थित प्रकाश भण्डारी र मनराज तेयुङको सफारी माघ २ गते चोरी भएको मोटरसाइकल र सफारी सहित चोर प्रहरीले पक्राउ गरेको छ।
आफ्नै घरमा पार्किङ गरी राखेको को ६ प ६९६६ नम्वरको स्प्लेण्डर मोटरसाईकल र सोही स्थान वस्ने मनराज तेयुङको को १ ह २०५५ नं.को सिटी सफारी समेत चोरी भएकोमा यस कार्यालयवाट खोजतलास गर्ने क्रममा उक्त सवारी साधन सहित चोरीमा संलग्न ३ जना पक्राउ परेका हुन ।
पक्राउ पर्नेमा इटहरी उ.म.न.पा.वडा नं. ५ वस्ने राहुल साह, सोही स्थान वस्ने सदिप चौधरी,सोही स्थान वस्ने रोहन गुरुङ्गलाई ३ गते चोरी भएको दुवै सवारी साधन सहित पक्राउ गरिएको इलाका प्रहरी कार्यालय इटहरीले जनाएको छ।
पक्राउ परेकाहरुलाई मुलुकी अपराध संहिता २०७४ अन्तर्गत चोरी मुद्धामा अनुसन्धान भइरहेको छ ।
