चुनावी प्रतिबद्धता पुरा गर्दै नगर प्रमुख रमेश कार्कीले खोरिया–मिलनचोक सडक कालोपत्र
बराहक्षेत्र — बराहक्षेत्र नगरपालिकाका प्रमुख रमेश कार्कीले चुनावी क्रममा गरेका प्रतिबद्धता पुरा गर्दै खोरिया–मिलनचोक सडक कालोपत्रे गरेका छन्। करिब १.५ किलोमिटर लामो उक्त सडक कालोपत्रे भएपछि स्थानीयवासी खुसी भएका छन्।
नगरप्रमुख कार्कीले नेपाली कांग्रेसका उम्मेदवारका रूपमा घरदैलो कार्यक्रममा खोरियामा बोल्दै “खोरियादेखि मिलनचोकको सडकको अवस्था हेर्दा अत्यन्तै पीडा हुन्छ। यदि मलाई जिताउनुभयो भने यो सडक पक्कै कालोपत्रे गर्छु। पराजित भए पनि केन्द्रीय नेता ज्ञानेन्द्रबहादुर कार्कीको ध्यानाकर्षण गराएर भए पनि यो सडक पक्का बनाउँछु” भनेर कसम खाएका थिए।
चुनाव जितेको तीन वर्षपछि उक्त सडक पिच भएको छ। सडक कालोपत्रे भएपछि स्थानीयवासीहरू खुशी व्यक्त गर्दै नगरप्रमुखप्रति आभार व्यक्त गरेका छन्। स्थानीय मोहन सुवेदीले भने, “हामीले चुनावमा सुनेको प्रतिज्ञा पुरा भएको देख्दा खुशी लाग्यो। अब यहाँको आवागमन सहज भएको छ।”
नगरप्रमुख कार्कीले चुनावमा बोलेका अन्य विकास योजनाहरू पनि क्रमशः कार्यान्वयन भइरहेको जनाएका छन्।
