बराहक्षेत्र नगरपालिका–८ का वडाध्यक्ष रोशन खड्काले सुनसरी क्षेत्र नं.–४ का संघीय सांसद तथा पूर्वमन्त्री माननीय ज्ञानेन्द्र बहादुर कार्कीलाई विशेष आभार व्यक्त गरेका छन्।
वर्षौं अघिदेखि निर्माणाधीन रहँदै आएको बराहक्षेत्र नगरपालिका–८, ९ र १० को खानेपानी आयोजना सम्पन्न गर्नका लागि कार्कीद्वारा विशेष पहल गरि रु ३ करोड बजेट विनियोजन गराउनु भएकोमा वडा अध्यक्ष खड्काले कृतज्ञता प्रकट गरेका हुन्।
त्यसैगरी, बराहक्षेत्र–७ स्थित शिवालय मन्दिर उत्तरतर्फ निर्माणाधीन अवस्थामा रहेको नगरस्तरीय साकेला पार्कलाई थप व्यवस्थित, सौन्दर्यपूर्ण र समग्र नगरवासीको गर्व बन्ने गरी निर्माण गर्नका लागि पनि अर्को रु ३ करोडको बजेट विनियोजन गरिदिनु भएकोप्रति अध्यक्ष खड्काले गहिरो सम्मान व्यक्त गरेका छन्।
उनले यस्तो योगदानले नगरको समृद्धि, सौन्दर्य तथा सामाजिक समावेशीपनमा थप टेवा पुर्याउने विश्वास व्यक्त गर्दै, वडावासी र सम्पूर्ण सरोकारवालाहरूको तर्फबाट हार्दिक धन्यवाद तथा आभार प्रकट गरे हुन।
