बराहक्षेत्र नगरपालिका वडा नम्बर १ खारखोलाबाट भाईटिकाको दिन लागुऔंषध सहित ८ जना पक्राउ परेका छन ।
ईलाका प्रहरी कार्यालय महेन्द्रनगर चक्रघट्टी र ईलाका प्रहरी कलार्यालय चतराबाट खटिएको प्रहरी टोलीले विशेष सुराकीको आधारमा बराहक्षेत्र न.पा. वडा नं १ स्थित खारखोलाबाट गाँजा, ब्राउन सुगर, ट्रमाडोल, स्पास्पेन जस्ता लागु औषधहरु सहित पक्राउ गरेको प्रहरीले जनाएको छ।
ऊनीहरुलाई कार्तिक २९ गते करिब ४ बजेतिर प्रहरीले पक्राउ गरेका हुन भने पक्राउ पर्नेमा बराहक्षेत्र न.पा. वडा नं. १ बस्ने वर्ष २४ को किरण काफ्ले , उदयपुर बेलका नगरापालिका वडा नं. १ भागलपुर बस्ने वर्ष २२ को हेमराज न्यौपाने,सुनसरी बराहक्षेत्र न.पा. वडा नं. १ बस्ने वर्ष २१ को भुपाल बि.क.,सुनसरी बराहक्षेत्र न.पा. वडा नं. १ बस्ने वर्ष २१ को मन कुमार राई, सुनसरी बराहक्षेत्र न.पा. वडा नं. १ बस्ने वर्ष २५ को कल्याण श्रेष्ठ, सुनसरी बराहक्षेत्र न.पा. वडा नं. १ बस्ने वर्ष ३० को बिक्रम थापा,सुनसरी बराहक्षेत्र न.पा. वडा नं. १ बस्ने वर्ष २२ को निरण नेपाली, सुनसरी हरीनगरा गा.पा. वडा नं. ७ बस्ने वर्ष ५० को हबिस खाँ (मिया ) लाई पक्राउ गरि जिल्ला अदालत सुनसरीबाट म्याद थप भई अनुसन्धान भई रहेको छ ।
