उदयपुरको त्रियुगा नगरपालिका-१० स्थितमा मोटरसाईकल दुर्घटना हुदा एक जनाको मृत्यु भएको छ भने दुई जना घाईते भएका छन् ।
हिजो बेलुका साढे ९ बजे प्र.१-०२-०४४ प ८८९३ नम्बरको मोटरसाईकल आफै अनियन्त्रित भई दुर्घट्ना हुदा घाईते भएका मोटरसाईकल पछाडि सवार त्रियुगा- ६ जलजले का २५ बर्षीय सुदिप चौधरीको उपचारको क्रममा जिल्ला अस्पताल उदयपुर गाईघाटमा मृत्यु भएको छ।
घाईते भएका चालक त्रियुगा- ६ का २२ बर्षीय पंकज चौधरी र २७ बर्षीय मुकेश चौधरीलाई थप उपचारको लागि बिराटनगर लगिएको प्रहरीले जनाएको छ।
घटना सम्बन्धमा जिल्ला प्रहरी कार्यालय उदयपुरबाट थप अनुसन्धान भईरहेको छ ।
