इलाका प्रहरी कार्यालय महेन्द्रनगर सुनसरी तथा मातहत लगायत बराहक्षेत्र नगरपालिकाको एरिया इलाकामा हुने घटनामा प्रारम्भिक सुरक्षामा खटिने क्यू.आर.टि. ड्यूटी, पिकेटको रुपमा खट्ने मुनाल चोक ड्यूटीका प्रहरी कर्मचारीहरु अटोमेटिक फोटो तथा भिडियो खिच्ने माउन्ट चेष्ट क्यामरा सहित खटिने भएका छन् ।
यसरी खटिदा घटनास्थलमा हुने सबै प्रकारको गतिविधि उक्त क्यामराले खिच्ने हुँदा सो स्थानमा हुने बिभिन्न प्रकारको घटनाहरुको फोटो तथा भिडियोबाट अनुसन्धान तथा बिश्लेषणमा सहयोग पुगि अनुसन्धान कार्यमा सहजता हुन ईलाका प्रहरी कार्यालय जनाएको छ ।
कार्यालयका प्रमुख प्रहरी निरीक्षक राजेश दत्तले प्रहरी चौकी भरौललाई १ थान गरि ४ थान माउन्ट चेष्ट क्यामरा उपलब्ध गराउनु भएको छ । उक्त चौकीबाट मुख्य चोक ड्यूटीमा खटिने प्रहरीले सो क्यामरा प्रयोग गरि ड्यूटी गर्दा सो स्थानमा हुने सबै प्रकारका गतिविधि निहाल्न पाईने भएको द्त्तले बताए ।
