मोरङको लेटाङमा एक वृद्धको हत्या भएको छ । पाहुना गएका ८१ वर्षीय डम्बर भुजेलको सोमबार राती हत्या भएको हो।
जिल्ला प्रहरी कार्यलय मोरङका अनुसार लेटाङ नगरपालिका– २ फँडानीमा ६० वर्षीय प्रेमबहादुर बुढाथोकीले भुजेललाई धारिलो हतियारले प्रहार गरी हत्या गरेका हुन। उनलाई प्रहरीले हत्या आरोपमा नियन्त्रणमा लिएको छ। बुढाथोकी भुजेलकोमा पाहुना लाग्न आएको प्रहरीले जनाएको छ ।
सोमबार बेलुका मृतक र हत्या आरोपी बृद्धसँगै मदिरा सेवन गरेको स्थानीयले बताएका छन् । मदिरा सेवनपछिको विवादका कारण हत्या गरेको हुनसक्ने प्रहरीले बताएको छ ।
